David Rush, nakatala sa bag-ong world record sa pagpabilin sa lima ka balloon sa hangin

Usa ka lalaki gikan sa Idaho ang nakab-ot og world record human niya napadayon ang pagpabilin sa lima ka lobo o balloon nga naglutaw sa hangin sulod sa kapin usa ka minuto.

Ang lalaki nga si David Rush, nga nailhan nga adunay daghang Guinness World Records titles, misulay sa record para sa pinakataas nga oras sa pagpabilin sa lima ka balloon sa ere.

Matod niya, mas lisod pa kini kaysa ordinaryong juggling tungod sa kontrol ug balanse nga kinahanglan sa mga lobo.

Sa iyang mga pagsulay sa West Boise YMCA, miabot siya og 17 ka attempts sa dili pa niya maabot ang target nga usa ka minuto nga gi-set sa Guinness.

Sa katapusan, nakab-ot niya ang oras nga 1 minuto ug 14.89 segundo, nga maoy opisyal nga rekord.