Nanawagan si Ombudsman Jesus Crispin Remulla nga magpabiling kalma si Senador Alan Peter Cayetano taliwala sa nagpadayon nga tensyon sa Senado.
Matud sa Ombudsman, importante nga maghinay-hinay ang mga senador aron malikayan ang paglala pa sa kagubot sulod sa kapulungan.
Ang panawagan mitungha human sa panagbangi sa duha ka kampo sa Senado, kalabot sa deklarasyon sa grupo ni Senador Sherwin Gatchalian isip acting Senate President base sa absolute majority rule.
Sa pikas bahin, gipamugos ni Cayetano nga siya gihapon ang lehitimong Senate President ug nagpadayon pa sa mga pagdungog, samtang gitawag niya nga “bogus” ang pikas kampo.
Tungod niini nga sitwasyon, nagkagrabe ang kalibog sa publiko ug sa pipila ka institusyon sa gobyerno, labi na kay nagpadayon usab ang imbestigasyon sa mga giingong anomalya sa flood control projects.
Nanawagan ang Ombudsman nga unta mapadayon ang respeto ug kalinaw sa proseso.