Dakbayan sa Valencia kwalipikado na mahimong Highly Urbanized City (HUC), nakab-ot ang ₱50 Million Income Requirement

Gibutyag sa tigpamaba ug consultant sa dakbayan sa cnga si Jun M. Galario Jr, nga padayon ang proseso aron mahimo kining Highly Urbanized City (HUC), nga gilauman nga makahatag og dakong kausaban sa pondo ug serbisyo sa lungsod.

Matud ni Galario, kwalipikado ang Valencia kay nakapasar kini sa mga requirement sa balaod diin labaw sa ₱50 million nga kita (income) ug labaw sa 200,000 ka populasyon.

Tungod niini, “qualified” na ang siyudad, apan kinahanglan pa kini moagi sa proseso sa Sangguniang Panlungsod, sunod sa approval sa Malacañang ug sa Presidente.

Kung maaprubahan, gilauman nga modako ang National Allocation (IRA/National share) sa Valencia, nga magpasabot og mas dako nga budget ug mas daghang proyekto ug serbisyo alang sa katawhan.