Nagpasaka na og piyansa sa Sandiganbayan si Senador Jinggoy Estrada ug c may kalabotan sa kasong graft nga may konektado sa giingong anomaliya sa mga proyekto sa DPWH.
Niadtong Biyernes sa hapon, mitungha si Estrada ug Bonoan sa Sandiganbayan Second Division ug nagdeposito og tag ₱90,000 nga piyansa human gi-isyu ang warrant of arrest sa korte.
Matud ni Estrada, ang ilang pagpasaka og piyansa usa ka legal nga lakang aron mapanalipdan ang iyang kaugalingon ilawom sa sistema sa hustisya, ug sigon niini nga iyang gamiton ang tanang legal nga paagi aron depensahan ang iyang kaugalingon.
Subling gipanghimakak sa senador ang tanang alegasyon batok kaniya.
Samtang walay pamahayag nga gihatag si kanhi DPWH Secretary Bonoan ug human makahatag og piyansa, diin dayon kini milakaw gikan sa Sandiganbayan.
Nag-isyu usab ang Second Division og hold departure order batok kang Estrada ug Bonoan.
Gihisgutan usab sa senador nga giandam usab matud pa ang mga kaso batok nila Sen. Francis Escudero, Sen. Joel Villanueva ug Sen. Rodante Marcoleta.
Kahinumduman nga gi-file sa Office of the Ombudsman ang graft ug plunder cases batok kanila ug uban pang mga opisyal sa DPWH may kalabotan sa giingong iligal nga budget insertions ug project allocations gikan pa sa 2025.
Ang ubang kaso nga plunder ug graft nga dili mahimong mapiyansahan anaa pa sa Sandiganbayan Fifth Division.