Gisuspinde sa Department of Agriculture o DA ang pag-export sa purple yam o ube aron matubag ang kakulang sa mga planting materials nga gikinahanglan sa pagpadaghan sa tanom.
Gipatuman sa Bureau of Plant Industry o BPI ang maong suspensyon niadtong Agosto ning tuiga, samtang gipaningkamotan sa gobyerno nga palapdan ang lokal nga produksyon sa ube sa nagkadaiyang rehiyon.
Sakop sa direktiba ang tanang matang sa ube ug planting materials nga gamiton sa pagpadaghan niini, lakip ang mga kargamento nga alang sa konsumo, pagtanom o panukiduki.
Matud ni Agriculture Secretary Francisco “Kiko” Tiu Laurel Jr., tumong sa maong lakang nga mapabilin sa nasud ang igo nga planting materials samtang gipalig-on ang kapasidad sa industriya.
Gilauman sa DA nga kon mosaka na ang lokal nga produksiyon, diin mahimong mas dako usab nga export earner sa nasud ang ube.