D1L Movement gilunsad aron ipasar ang anti-political dynasty bill pinaagi sa people’s initiative

Gilunsad ang Dapat Isa Lang Movement o D1L Movement aron ipasar ang anti-political dynasty bill pinaagi sa people’s initiative.

Lakip sa mga nagpaluyo niini sila Antonio Carpio, Robert Reyes, ug Carlo Africa.

Tumong sa grupo nga limitahan sa usa lamang ka posisyon ang political families sa national ug local government hangtod sa ika-upat nga degree sa relasyon.

Aron maduso ang petisyon, kinahanglan makatigom ang grupo og 6.9 milyon ka pirma gikan sa mga rehistradong botante ug 3 porsyento nga pirma sa matag congressional district.

Kung makab-ot kini, isumite ang petisyon sa Commission on Elections alang sa referendum diin mobotar ang publiko og “YES” o “NO.”