Nibusikad ang Bulkan Krasheninnikov sa Kamchatka Peninsula sa Russia, human sa kapin 600 ka tuig, sumala sa mga siyentipiko.
Posible nga may kalabutan matud pa kini sa kusog nga linog nga natala sa sidlakang bahin sa Russia sa miaging semana, nga nakapahinungod og mga pahimangno sa tsunami lakip sa French Polynesia ug Chile.
Sa taho, gikaingon sa Kamchatka Volcanic Eruption Response Team nga kini ang unang natala nga pagbuto sa Krasheninnikov Volcano sulod sa 600 ka tuig.
Matud pa sa ahensya, kataposang nasaksihan ang pagbuga sa maong bulkan niadtong tuig 1463, ug sukad niadto wala nay natala eruptive activity ang maong ulkan.
Dugang pa sa Kamchatka Emergency Services, miabot sa 6 ka kilometro ang gitas-on sa abong gibuga sa bulkan.
Gipahibalo usab nga giisa na sa orange aviation alert level ang bulkan, nga nagpasabot og peligro sa mga eroplano gumikan sa abog bfa nagkatag sa kahanginan.
Sa pagkakaron gpadayon ang pagbantay sa mga otoridad sa kahimtang sa bulkan ug sa posible nga dugang pang mga seismic activity, lakip ang seguridad sa katawhan sa naasoyng lugar.