Mitahan ang usa ka giingong miyembro sa Communist Terrorist Group (CTG) niadtong Martes sa hapon, usa ka lakang nga gilaumang makapalig-on pa sa kampanya batok sa insurhensiya sa probinsya sa Bukidnon.
Sa report ni PCOL Oliver Sotto Navales ngadto kang PBGEN Christopher Nortez Abrahano, ang boluntaryong pagsurender nahitabo niadtong Abril 14, 2026, alas 4:00 sa hapon, diin ang nibalik sa sabakan sa gobyerno nailhang si alyas Santo, 30-anyos. Ang malampusong operasyon gipangulohan sa 2nd Bukidnon Provincial Mobile Force Company ubos ni PMAJ Jessie James M. Lasdoce, kauban ang San Fernando Municipal Police Station ug mga operatiba sa PNP-Special Action Force (SAF).
Sumala sa kapulisan, ang maong friend rescued anaa na karon sa kustodiya sa intelligence operatives alang sa gipahigayon nga debriefing ug profiling. Gihikay na usab ang iyang mga dokumento aron ma-enroll siya sa Enhanced Comprehensive Local Integration Program (E-CLIP) sa gobyerno aron makadawat og tabang pinansyal ug panginabuhian.
Sa tail end, giingon sa kapulisan nga ang maong pagsurender usa ka positibong timailhan sa padayon nga paningkamot sa security forces sa pagdasig sa uban pang mga sakop sa armadong grupo nga mopili sa malinawon ug ligal nga dalan sa kinabuhi.