- Advertisement -
Gikumpirma ni FIFA president Gianni Infantino nga siguradong makadula ang nasod sa Iran sa umaabot nga 2026 World Cup.
Kini human migawas ang mga pagduha-duha nga basin dili sila makasalmot tungod sa nagpadayon nga kagubot sa Middle East.
Matod pa ni Infantino, moadto ang Iran sa kompetisyon aron irepresentar ang ilang katawhan tungod kay legal silang naka-qualify. Giklaro usab niya nga walay mahimong problema bisan pa man kung ang ilang mga dula ipahigayon didto sa Estados Unidos (US).
- Advertisement -
Gihatagan og gibug-aton sa Presidente sa FIFA nga kinahanglan ilayo ang sports gikan sa mga isyu sa politika.
Ang World Cup gikatakdang magsugod karong Hunyo 1, diin ang US, Canada, ug Mexico ang magsilbing host countries.
- Advertisement -