Oil price rollback, gilauman sa sunod semana

Gipaabot ang dakong pagkunhod sa presyo sa diesel ug gasolina sa mga estasyon sa lana sa sunod semana.

Base sa inisyal nga pagbasa sa industriya human sa upat ka trading days, posibleng mokabat sa P7.00 hangtod P7.50 kada litro ang rollback sa diesel.

Gilauman usab nga mokunhod sa P0.50 hangtod P1.00 kada litro ang presyo sa gasolina, depende sa resulta sa nahibiling trading day.

Pormal nga ipahibalo sa mga kompanya sa lana ang eksaktong kantidad sa price adjustment sa dili pa ipatuman ang rollback sa sunod semana.