Babaye sa Denmark nakatala ug world record tungod sa pagdagan nga naka high heels sulod sa 13 ka segundos

Nakarekord og talagsaong dungig si Majken Sichlau sa Denmark human niini malabwan ang 100 metros nga dagan nga nagsul-ob og high heels, nga iyang nahuman sulod lamang sa 13.557 segundos.

Nahitabo ang maong talagsaong pasundayag atol sa Tarnby Games niadtong 2015 sa Tarnby Stadium sa Copenhagen, Denmark.

Bisan pa og dugay na kini nga nahitabo, wala pa gihapon malabwan ang iyang natala nga record.

Nagpabilin kini nga usa sa talagsaong rekord sa athletics tungod sa kalisod sa pagdagan og 100 metros samtang nagsul-ob og taas nga sapatos.

Hangtod karon, si Sichlau gihapon ang nagpabiling naghupot sa rekord nga 13.557 segundos sa maong talagsaong hagit.