Hugot nga gibantayan sa mga bangko ang mga dagkong transaksyon ug kalihokan nga mahimong adunay kalabotan sa ilegal nga buhat isip kabahin sa pagpatuman sa anti-money laundering law.
Sa pakighinabi sa Bombo Radyo Malaybalay kang Ronelle J. Pama, Presidente sa Malaybalay City Bankers Association, Inc., iyang gipatin-aw ang mga lagda sa mga bangko sa pagdumala ug pagreport sa dagkong ug kadudahang transaksyon.
Matud pa ni Pama, ang mga transaksyon nga mokabat og 500 mil pesos o labaw pa mahimong i-report isip covered transaction, samtang mahimo usab nga i-report ang ubos niini nga kantidad kung adunay makitang kadudahang kalihokan.
Gipasabot usab ni Pama nga dili lamang ang kantidad sa kwarta ang basehan sa pagmonitor, apan lakip usab ang naandan nga transaksyon sa kliyente ug ang tinubdan sa iyang salapi.
Matud pa niini, mahimong susihon sa bangko ang kalit nga pagdako sa kantidad o gidaghanon sa transaksyon kung dili kini uyon sa naandan nga kalihokan sa kliyente. Â
Matud pa ni Pama, kabahin kini sa mga pamaagi sa mga bangko aron mapugngan ang paggamit sa sistema pinansyal sa mga kalihokan nga may kalabotan sa ilegal nga kwarta.