PCG, gikondena ang pagpangharas sa China Coast Guard nga nakapalangan sa medical evacuation sa Ayungin Shoal

Gikondena sa Philippine Coast Guard (PCG) ang giingong pagpangharas sa China Coast Guard (CCG) nga nakapalangan sa medical evacuation sa usa ka miyembro sa Philippine Navy gikan sa BRP Sierra Madre sa Ayungin Shoal.

Matud ni PCG spokesperson for the West Philippine Sea Rear Admiral Jay Tarriela, mikabat og kapin napulo ka oras ang operasyon tungod sa lihok sa mga barko sa China batok sa mga barkong Pilipino.

Gihulagway usab ni Tarriela nga “barbaric behavior” ang maong pagpangharas tungod sa giingong pagbalewala niini sa kinabuhi ug kaluwasan sa ubang tawo.