Nagpahigayon ang Police Regional Office 10 (PRO-10) og usa ka virtual accounting sa mga personnel gikan sa nagkadaiyang city ug provincial police offices niadtong Mayo 2, 2026, didto sa Camp 1Lt Vicente Alagar, Lapasan, Cagayan de Oro City.
Kini nga lakang gihimo dungan sa pagpaubos sa tibuok rehiyon sa Full Alert Status agig pagtamod sa kasaulogan sa Labor Day.
Tumong sa maong kalihokan nga masiguro ang heightened preparedness ug paspas nga responsiveness sa kapolisan sa bisan unsang sitwasyon nga motumaw sa tibuok amihanang Mindanao.
Pinaagi niini, nasiguro sa kadagkoan sa PRO-10 nga kompleto ug andam ang ilang mga sakop sa pagpatuman sa kahapsay ug kalinaw.
Ang accounting nagsilbi usab nga inspeksyon sa kaandam sa matag unit sa pagtubag sa mga emerhensya atol sa holiday.
Gipakita niini ang hugot nga koordinasyon sa kapolisan aron mapabilin ang seguridad sa publiko batok sa bisan unsang hulga.
Sa pagkakaron, nagpadayon ang hugot nga pagmonitor sa mga otoridad sa tibuok rehiyon aron masiguro nga magmalinawon ang pagsaulog sa adlaw sa mga mamumuo.