Gipasabot sa kampo ni Atty. Mans Carpio nga wala sila’y tuyo nga pahunongon ang impeachment proceedings batok kang Vice President Sara Duterte.
Sumala sa ilang abogado nga si Atty. Neil Abayon, ang ilang gihimong legal nga lakang human sa pagbasura sa petisyon sa Quezon City Regional Trial Court Branch 81 kay dili aron pugngan ang impeachment, kondili aron mapugngan ang giingong dili awtorisadong pagpagawas sa confidential documents nga may kalabotan kang Atty. Mans Carpio ug sa iyang asawa nga Bise Presidente.
Bisan pa sa desisyon sa korte nga sa pagbasura sa petisyon ni Carpio, sigon ni Abayon nga dili kini dako nga problema para kanila, ilabi na kay ang House Justice Committee wala usab niabli sa “green box” nga naglangkob sa ilang tax records, bisan pa og na-expose na ang ubang dokumento sama sa AMLC records ug SALN.
Bisan pa sa pagbasura sa korte, posible pa gihapon mag-file ang kampo og motion for reconsideration o moapelar sa mas taas nga korte.
Sa karon, nagtan-aw pa ang kampo sa sunod nga lakang sa Kamara kalabot sa impeachment complaint ug sa posibleng epekto niini sa pangalan ni Atty. Carpio.