Nanawagan si Presidente Ferdinand Marcos Jr. sa mga lider sa Association of Southeast Asian Nations (ASEAN) sa paspas nga kooperasyon sa rehiyon ilabi na sa energy ug food security sa tunga-tunga sa nagkataas nga presyo sa langis ug epekto sa global nga tensyon.
Gihimo ang pahayag sa ika-48th ASEAN Summit sa Cebu City diin nagkasabot ang mga lider sa ASEAN nga palig-onon ang ilang kaandaan batok sa krisis sa enerhiya, pagkaon, ug global economic instability.
Lakip sa mga gi-prayoridad mao ang pagpalig-on sa ASEAN Power Grid, usa ka proyekto nga magkonekta sa power systems sa mga miyembrong nasud aron mapalapdan ang access sa mas baratong kuryente para sa halos 700 milyon ka tawo sa rehiyon.
Giduso usab ni PBBM ang dali nga ratipikasyon sa ASEAN Framework Agreement on Petroleum Security (APSA) aron masigurado ang suplay sa lana sa panahon sa krisis, samtang gipalapdan ang focus sa renewable energy sama sa solar, wind, hydropower, ug nuclear energy.
Sa bahin sa pagkaon, giila sa ASEAN leaders nga ang pagsaka sa presyo sa lana nga nakaapekto sa transportasyon ug suplay sa pagkaon, mao nga nagka-uyon sila nga palig-onon ang food reserves, suportahan ang mga mag-uuma, ug siguruhon nga magpadayon ang trade bisan sa panahon sa krisis.
Nanawagan usab si Presidente Marcos sa dinaliang koorporasyun sa alang sa mga katawhan nga anaa sa Middle East sa panahon sa krisis