𝐖𝐀𝐑𝐑𝐀𝐍𝐓 𝐎𝐅 𝐀𝐑𝐑𝐄𝐒𝐓 𝐁𝐀𝐓𝐎𝐊 𝐊𝐀𝐍𝐆 𝐒𝐄𝐍. 𝐁𝐀𝐓𝐎 𝐃𝐄𝐋𝐀 𝐑𝐎𝐒𝐀, 𝐆𝐈𝐏𝐀𝐆𝐀𝐖𝐀𝐒 𝐍𝐀 𝐒𝐀 𝐈𝐂𝐂 

Gipagawas na sa International Criminal Court (ICC) ang warrant of arrest batok kang Senator Ronald “Bato” dela Rosa.

Base sa impormasyon, nadawat na sa Interpol ang maong arrest warrant ug gikatahong ania na karon sa Pilipinas ang mga representante sa maong organisasyon.

Ang maong lakang kabahin sa nagpadayong imbestigasyon sa ICC kalabot sa gidumala nga “war on drugs” sa nasud kaniadto.

Sa pagkakaron, wala pa’y opisyal nga pamahayag ang kampo sa senador mahitungod sa maong report, samtang padayon nga gipanid-an ang mahimong sunod nga aksyon sa ICC.

Kahinumduman ang Department of the Interior and Local Government (DILG) nga magpadala og kapin sa 10,000 ka pwersa kon magpagawas og arrest warrant batok kang Senador Ronald dela Rosa.

Giklaro ni DILG Sec. Jonvic Remulla nga hangtod karon wala pa sila makadawat og opisyal nga kopya sa giingong arrest warrant nga matud pa gipagawas sa International Criminal Court (ICC).