Gi-tan-aw sa Kabataan Party-list nga adunay politikal nga interest ang pagpagawas sa Quezon City Regional Trial Court sa arrest warrant batok kang Vice President Sara Duterte, ilabi na sa iyang posibleng pagdagan sa mas taas nga posisyon sa 2028.
Sa eksklusibong pakighinabi sa Bombo Radyo Malaybalay, Bukidnon, kang Kabataan Party-list spokesperson Cobbie Jan Canda nga ang warrant dili pa igo nga pamatuod sa tinuod nga pagpaningil og panubag kang Duterte, tungod kay bailable ang kaso.
Sumala ni Canda, mas makita ang accountability kung ma-convict na ang bise presidente.
Dugang pa ni Canda nga kinahanglan paninglon sa accountability ang tanang nalambigit sa korapsyon, gikan sa national government hangtod sa lokal nga pangagamhanan.
Matud ni Canda, dili lang kwarta sa katawhan ang mawala tungod sa korapsyon, kundili lakip ang ilang kaugmaon.