Nakadawat og tig-₱200,000 nga ayuda ang matag barangay sa Bukidnon isip kabahin sa “Bagong Pilipinas: Rice and Assistance Distribution” ug “Bawat Barangay Makikinabang” assistance rollout sa nasudnong panggobyerno.
Mitambong si Executive Secretary Ralph Recto sa maong kalihokan, diin lakip sa mga programa ang Presidential Scholars Orientation and Program alang sa 155 ka mga estudyante gikan sa 31 ka barangay.
Gitin-aw ni Recto nga ang ₱200,000 dili personal nga ayuda sa mga barangay kapitan, kundili kantidad nga igahin alang sa matag barangay.
Lakip sa mga barangay nga makadawat niini ang gikan sa District 1, District 2, District 3 ug District 4 sa Bukidnon.
Gipahigayon ang maong kalihokan sa lungsod sa Quezon, diin lakip sa programa ang Presidential Scholars Orientation alang sa 155 ka fourth-year college students.
Makadawat usab og scholarship assistance nga ₱20,000.
Gawas sa ayuda alang sa mga barangay, lakip usab sa kalihokan ang pag-apod-apod og bugas alang sa mga residente, meeting uban sa mga mayor, ug Indigenous People o IP Coffee Farmers Engagement nga ipahigayon sa Municipal Gym sa Pangantucan, Bukidnon.