Giisyuhan na og warrant of arrest sa Quezon City Regional Trial Court Branch 98 si Vice President Sara Duterte, may kalabotan sa tulo ka kaso sa grave threats nga gisang-at batok kaniya sa Department of Justice.
Ang maong mga kaso may kalabotan sa mga pamahayag sa bise presidente nga giingong hulga batok kang Presidente Ferdinand “Bongbong” Marcos Jr., First Lady Liza Araneta Marcos, ug kanhi House Speaker Martin Romualdez.
Samtang, padayon ang pagmonitor sa mga awtoridad ug media sa Quezon City Hall of Justice human pormal nga gipagawas sa korte ang mando alang sa pagdakop kang Vice President Duterte.
Gikumpirma usab sa Department of Justice nga ilang respetuhon ang desisyon sa korte, lakip ang warrant of arrest nga gi-isyu batok sa bise presidente.
Sa maong lugar, hugot usab ang seguridad samtang naghulat ang mga otoridad sa posibleng pag-abot sa kampo ni Vice President Duterte, lakip ang iyang mga abogado ug mga sakop sa security team.
Matud sa report, adunay advance party gikan sa security team sa Office of the Vice President nga anaa na sa lugar samtang nagpadayon ang pagmonitor sa sitwasyon.