Nagtuo si Las Piñas City Rep. Mark Anthony Santos nga ang pagpasar sa Anti-Political Dynasty Bill usa ka paagi aron mabalik ang pagsalig sa publiko sa Kongreso.
Gihimo sa maong opisyal ang pamahayag dungan sa nagkadakong panawagan nga i-dili na ang pulitikal dynasty sa Pilipinas.Masaligon ang magbabalaod nga daghan pang mga kongresista ang mosuporta niini karon nga ang kadagkoan nagpakita na og interes sa maong sugyot.
Gitumbok ni Rep. Santos ang mga bersyon sa balaod nga gi-author nila ni House Speaker Faustino Dy III ug House Majority Leader Sandro Marcos isip lig-on nga ebidensya sa suporta sa maong sugyot balaudnon.
Mahinumduman nga niadtong Hulyo, sa pag-abli sa 20th Congress, gipasaka na ni Rep. Santos ang iyang kaugalingong bersyon sa anti-dynasty bill.
Nagtuo si Rep. Santos nga bisan si Presidente Ferdinand Marcos Jr. mosuporta sa dinaliang pag-pasar niini.Giila ang maong balaodnon isip usa sa mga prayoridad nga balaod alang sa tuig 2026.
Matod pa ni Santos mandato kini sa Kongreso ug gikinahanglan kini sa nasud aron mapalig-on ang demokrasya.