Subling gibalikan sa ICC Office of the Prosecutor ang mga hulga ni kanhing Pangulo Rodrigo Duterte sa panahon nga siya pa ang presidente batok sa mga drug personalities sa nasud.
Sunod-sunod nga gipakita ni Office of the Prosecutor Trial Lawyer Robynne Croft, ang ang pipila ka videos nga gahatag og mensahe ang kanhing pangulo sama sa paghatag niini og 48 ka oras sa mga drug suspects nga mutahan, mu-angkon sa ilang mga sala ug lakip ang pagkalambigit nila sa iligal nga droga.
Subling gihisgutan usab ang mensahi ni kanhing Pangulo Duterte ang mga pamahayag niini nga patyon niya ang mga nalambigit sa iligal na droga kung dili kini mutahan sa gihatag nga oras.
Gilakip usab nga gihinumdum o gihisgutan sa abogado ang pagpanghulga ni kanhing PNP Police Chief ug kasamtangang senador nga si Sen. Ronald Dela Rosa.
Gipakita sa prosekusyon ang pipila ka video, diin nga nagmando si Dela Rosa sa kapulisan nga pangitaon ang mag drug personalities ug patyon kini kung musukol ug sabwagan sa gasolina ug sugniban.
Matud pa ni Croft, si Dela Rosa ang nag-unang kauban sa kanhing Pangulo sa pagpatuman sa drug war.
Dugang pa, nga hingpit nga nasayran ni Dela Rosa ang halapad sa operasyon kung gi-unsa kini gipatuman kutob sa ground level.