Mga residente sa California gipahikling tungod sa gilaumang pagbaha!

Hugot nga nangandam ang dakong bahin sa California tungod sa gilauman nga pag-abot sa kusog nga bagyo diin posibleng makaapekto sa mokabat 11 ka milyon ka residente, sumala sa National Weather Service.

Gipahikling na ang pipila ka residente sa Palisades, Sunset, ug Hurst area isip kabahin sa pag-andam batok sa posibleng peligro.

Gilauman nga magdala kini og kusog nga hangin nga mokabat sa 60 miles per hour ug posible usab nga motumaw ang usa ka tornado.

Gihangyo ni Karen Bass, mayor sa Los Angeles, ang mga residente nga mosunod sa evacuation ug uban pang safety measures, samtang gilauman usab ang pagbaha sa Bay Area lakip ang San Francisco ug kusog nga snowfall sa Sierra Nevada.