Gipagawas sa korte sa Santa Cruz, Laguna ang warrant of arrest batok kang Charlie ‘Atong’ Ang ug sa 17 ka uban pa, may kalabutan sa kaso nga kidnapping with homicide tungod sa pagkawala sa mga sabungero.
Wala pa makaplagan si Ang sa iyang mga rehistradong balay, apan pipila sa uban nga akusado naaresto na.
Ang warrant gihimo sa Regional Trial Court Branch 26 niadtong Enero 13, ug gitahasan ang tanan nga law enforcement agencies sa pagpapatuman niini.
Lakip sa mga akusado sila Rogelio Tyodosio Buricana Jr., Jizzrell Lazaerte, ug uban pa.
Ang kaso dili mapiyansahan tungod sa kabug-aton niini, ug sumala sa korte, adunay saktong probable cause sa pag-aresto sa tanan nga nalambigit.
Nagpadayon ang operasyon sa PNP aron matultulan si Atong ug dakpon ang mga wala pa maaresto.
Sa pikas bahin, ang Department of the Interior and Local Government nagtanyag og P10-milyon nga reward alang sa impormasyon aron sa pagdakop kang Atong Ang, nga adunay arrest warrants tungod sa kaso sa mga nangawala nga sabungero.
Giisip usa ka “pugante” o fugitive from justice ang negosyanteng si Charlie “Atong” Ang gumikan wala siya madakpi o makita human sa pag-isyu na og arrest warrant batok kaniya may kalabutan sa kaso sa pagkawala sa mga sabungero.