Sen. Sotto, naglaum nga magpatuman ang Philhealth og zero balance billing

Gilauman ni Senate President Vicente Sotto nga mamahimong zero balance billing sa sunod tuig alang sa mga pasyenteng maospital. Kini human nga adunay dakong pagtaas sa budget ug mga programa nga gilakip sa PhilHealth.

Sumala pa ni Sen. Sotto, lakip sa gilauman ang mas epektibo nga implementasyon sa mga programa sa panglawas aron matabangan gyud ang mga pasyente ug mapagaan ang ilang gasto sa pagpa-ospital.

Dugang pa niini, kung dili mamahimong epektibo ang mga programa sa PhilHealth, posibleng adunay manubag, tungod kay dili pwede nga walay kabag-ohan sa programa bisan pa man nga adunay dugang pondo nga P16.5 bilyon nga giandam alang sa tuig 2026.