Nakabalik sa pagtugtog og biyolin si Manami Ito, usa ka musikera sa Japan, human maputli ang iyang tuong bukton sa aksidente sa sakyanan niadtong 2004, pinaagi sa espesyal nga artipisyal nga bukton.
Giila si Ito sa Guinness World Records 2027 isip unang Violinist nga nakapatugtog gamit ang artipisyal nga bukton.
Nakuha niya ang rekord human mopasundayag sa usa ka tigom sa mga eksperto sa panglawas sa Kobe, Japan, niadtong Agosto 5, 2012.
Gigamit niya ang lihok sa tibuok niyang lawas, lakip ang tuo nga abaga, aron mapalihok ang pangkuskos sa kuwerdas. Migamit usab siya og mas bug-at nga pangkuskos sa “Cello” aron mapulihan ang kusog nga dili na niya mahatag sama kaniadto.
Tulo ka tuig ang iyang gigahin sa pagpahiangay sa maong pamaagi sa dili pa siya mibalik sa pagpasundayag.
Nahimo usab si Ito nga atleta sa Paralympics ug mirepresentar sa Japan sa 2008 ug 2012 nga mga dula.
Gitugtog usab niya ang biyolin atol sa seremonyas sa pag-abli sa Tokyo 2020 Paralympic Games.