Napulo ka indibidwal ang nadakpan sa sunod-sunod nga operasyon sa kapulisan sa nagkadaiyang lugar sa Bukidnon niadtong niadtong milabay’ng adlaw.
Base sa taho, unom sa mga nadakpan ang nalambigit sa ilegal nga droga atol sa buy-bust operations sa Malaybalay City, Baungon, Don Carlos ug Malitbog.
Narekober sa maong mga operasyon ang 16.974 gramos nga gituohang shabu nga nagkantidad og ₱91,623.20, lakip ang usa ka improvised shotgun ug mga bala.
Dugang pa niini, nakumpiska sa pagpatuman sa search warrant sa Kibawe ang laing 3.5 gramos nga gituohang shabu nga nagkantidad og ₱23,800, bisan wala didto ang target sa operasyon.
Samtang, upat pa ka indibidwal ang gidakop pinaagi sa warrant of arrest tungod sa mga kasong frustrated murder, attempted homicide ug paglapas sa balaod kalabot sa ilegal nga sugal ug sabong.
Sa kinatibuk-an, mikabat sa ₱115,423.20 ang kantidad sa 20.474 gramos nga gituohang shabu nga narekober sa mga operasyon.