Gibutyag ni House Prosecutor ug Manila Representative Joel Chua nga walay balaod nga malapas kung repasuhon o usbon sa Senado ang 16-vote threshold nga gikinahanglan alang sa conviction sa impeachment case ni Vice President Sara Duterte.
Matud ni Chua, nga wala pa nagsugod ang botohan sa impeachment case, busa mahimo pa kining usbon sa Senate Impeachment Court.
Samtang, sigon ni House prosecution spokesperson Representative Zia Alonto Adiong nga dili mahimong i-review o i-appeal sa Supreme Court ang desisyon sa Senate Impeachment Court sa impeachment cases, base sa ilang pagsabot sa legal nga opinyon nga ilang nadungog.
Sa laing bahin, gipadayag usab ni Adiong nga andam ang House of Representatives nga makig-bicameral conference sa Senado alang sa Anti-Political Dynasty Act kung maaprobahan na sa Senado ang ilang bersyon sa sugyot balaudnon