Mitaliwan na ang sikat nga televangelist sa US, si Jimmy Swaggart, sa edad nga 90.
Gikumpirma kini sa iyang Ministries ug mipasalamat sa mga kawani sa medikal sa Baton Rouge General Medical Center sa Louisiana.
Ang iyang kampo wala mohatag og laing detalye bahin sa hinungdan sa iyang kamatayon. Atol sa iyang pagkapopular sa dekada 80, ang iyang tigpaminaw gikaingon labing menos 200 milyon sa tibuok kalibutan.
Kahinumdomang nalambigit si Swaggart sa eskandalo sa pagpakigrelasyon sa usa ka prostitute diin giangkon niini sa iyang kongregasyon nga matud pa siya dunay dakong sala.
Wala makahuman sa pagtungha si Swaggart gumikan nagtrabaho kini sa usa ka pabrika sa gapas ug gahakot usab og graba aron lang mabuhi.
Sa edad nga 17, giminyoan niini ang 15-anyos nga si Frances Anderson diin gipanalanginan sila og anak nga lalaki, nga ginganlang Donnie, kansa misunod usab sa yapak sa iyang amahan.
Sa tuig 1969, nagsugod si Swaggart sa radio broadcast sa usa ka programa ug sa tuig 1973, adunay kini usa ka television show nga nagpadayag sa iyang mga sermons.