Gikinahanglan ang dili mumenos sa 11 ka boto, lakip ang boto sa presiding officer, aron baliktaron ang unang ruling nga nagtakda og 16 ka boto isip threshold aron ma-convict si Vice President Sara Duterte.
Kini ang gipasabot ni impeachment court spokesperson Atty. Reginald Tongol human ipahibalo ni Senate impeachment court Presiding officer Francis “Chiz” Escudero nga moboto usab siya sa isyu bahin sa threshold.
Sa kasamtangang setup, 20 lamang ka senator-judge ang mahimong moboto tungod kay upat ka senador ang dili makatambong sa impeachment trial.
Tungod niini, 11 ka boto ang gikinahanglan aron makuha ang majority ug maaprobahan ang mosyon sa pagbaliktad sa unang ruling.
Samtang, gilauman usab sa prosecution nga madungog ang legal nga mga opinyon sa mga amicus curiae o “friends of the court” nga motambong sa proceedings aron makatabang sa pagpatin-aw sa maong legal nga isyu.