Gipahigayon ang nagkadaiyang kalihokan sa Estados Unidos isip paghinumdom sa ika-25 anibersaryo sa 9/11 terror attack, lakip ang mga misa sa New York City, Washington, D.C., ug Pennsylvania.
Matud ni Archbishop Paul Coakley sa Oklahoma City, pangulo sa US Conference of Catholic Bishops, kabahin sa mga kalihokan ang mga misa sa mga lugar nga nahimong target sa maong pag-atake.
Niadtong Septiyembre 11, 2001, upat ka commercial plane ang gi-hijack sa mga miyembro sa al-Qaeda. Duha niini ang gibomba sa World Trade Center sa New York, usa sa Pentagon sa Washington, D.C., samtang ang ikaupat nahagsa sa Shanksville, Pennsylvania.
Mikabat sa 2,977 ka tawo ang namatay sa maong pag-atake, lakip ang 441 ka first responders.
Samtang, si US President Donald Trump naghatag og pasidungog sa Ground Zero isip kabahin sa paghinumdom sa ika-25 anibersaryo sa 9/11. Gilauman usab ang iyang pagbisita sa Pentagon ug National September 11 Memorial and Museum.
Gitahasan usab ni Trump si Vice President JD Vance nga motambong sa World Trade Center, usa sa mga lugar nga nahimong target sa 9/11 attack.