Lalaking nanumbag og kinatawo sa iyang nakainom, angol human gi-shotgun sa Valencia City

Angol ug kasamtangang nagpaalim sa ospital ang 29-anyos nga lalaki human kini gipusil og sumpak kon shotgun sa iyang ka-inom pasado alas-2 sa hapon sa Purok-17, Barangay Hindangon, Valencia City, Bukidnon.

Base sa report sa kapulisan, nag-inom ang biktima ug ang 42-anyos nga suspek sa maong lugar dihang nagkalalis sila.

Gilayong misibat ang suspek ug miadto sa duol nga guardhouse aron malikayan ang panaglalis, apan gisundan kini sa biktima ug gisumbag sa kinatawo.

Nasuko ang suspek, gikuha ang iyang improvised shotgun o sumpak, ug gipusil ang biktima nga naigo sa tuo nga bahin sa dughan.

Daling gidala sa ospital ang biktima ug anaa na sa luwas nga kahimtang.

Samtang, misibat ang suspek human sa insidente ug padayon pang gipangita sa kapulisan.