Miyembro sa armadong kusog, boluntaryong mitahan balik sa sabakan sa gobyerno

Boluntaryong misurender sa mga otoridad ang usa ka 38-anyos nga miyembro sa Communist Terrorist Group o CTG takna sa alas-9:40 sa buntag niadtong milabay’ng adlawa sa Barangay Tagbak, Talakag, Bukidnon.

Ang maong indibidwal giila sa alyas “Tonton,” miyembro sa Milisyang Bayan sa Guerrilla Front 68, Sub-Regional Committee 4, North Central Mindanao Regional Committee ug residente sa Bukidnon.

Mitahan kini dala ang usa ka improvised shotgun ug duha ka bala nga 12-gauge. Karon, anaa na kini sa kustodiya sa 1004th Maneuver Company alang sa custodial debriefing ug profiling, samtang gisiguro sa mga otoridad ang iyang armas ug mga bala.