Gipakita sa defense team ang ilang mga giingong “proof of success” sa paggamit sa confidential ug intelligence funds sa Office of the Vice President atol sa Day 15 sa impeachment trial batok kang Vice President Sara Duterte.
Lakip sa gipresentar ni Atty. Kristine Ferrer ang pagtukod sa mga satellite office sa OVP sa Isabela ug uban pang lugar, ingon man ang mga kalihokan sama sa data ug information gathering, threat assessment, intelligence fusion ug profiling sa mga partisipante sa mga kalihokan.
Giila ni House witness ug Commission on Audit Auditor Xylene Del Campo nga ang pipila niini nga mga kalihokan mahimong sakop sa surveillance activities ug mahimong gamitan og confidential funds.
Samtang, misupak usab si Atty. Lorna Kapunan sa paggamit sa depensa sa pulong nga “opinion” sa paghulagway sa professional judgment ni Del Campo, ug giinsistir nga lahi kini sa personal nga opinyon.