Misaka ang tensiyon tali sa depensa ug prosekusyon atol sa cross-examination sa testigong si Xylene Mae Del Campo sa Commission on Audit sa ika-15 nga adlaw sa impeachment trial ni Vice President Sara Duterte kagahapong adlawa Miyerkules, Agosto 12.
Naglantugi ang depensa ug prosekusyon human gikuwestiyon ni Atty. Lorna Kapunan ang pamaagi sa pagpangutana sa witness.
Gipahinumdoman ni Kapunan si Atty. Kristine Ferrer nga bisan cross-examination, adunay limitasyon ang mga pangutana ug dili tugotan ang misleading questions.
Gipahimangnoan usab ni Presiding officer Francis “Chiz” Escudero ang mga abogado nga dili pasamoton ang tensiyon tungod sa kalainan sa henerasyon.
Human niini, gikuwestiyon ni Escudero ang witness ug gitin-aw kung kinahanglan ba og aktuwal nga pagsikop aron matawag nga malampuson ang information-gathering activity.