Gipadayag sa House prosecution panel ang ilang kabalaka sa manifestation sa defense team nga ang pagmarka sa mga tabulation ug summary dili angay isipon nga pag-angkon sa authenticity sa mga acknowledgment receipt nga ipresentar sa Senate Impeachment Court.
Gihangyo ni Atty. Lorna Kapunan nga tugotan si COA Auditor Xylene Del Campo nga moatubang sa Clerk of Court aron personal nga mailhan ug ma-authenticate ang mga dokumento atubangan sa prosecution ug defense.
Matud ni Kapunan, makatabang kini aron malikayan ang technical legal objections sa umaabot ug mapadali ang proseso sa impeachment trial.
Gipunting ni Kapunan nga si Del Campo lamang ang adunay personal nga kahibalo sa mga acknowledgment receipt nga gigamit sa kaso.
Nagtubag usab si Kapunan ug si Atty. Kristine Ferrer atol sa pagpresentar sa defense sa ilang kaugalingong kopya sa mga Audit Observation Memorandum kon AOM.