Ihap sa mga namatay sa kusog nga linog sa Japan miabot na sa 30

Miabot na sa 30 ka tawo ang namatay samtang labaw sa 62 ang naangol human giyanog sa usa ka kusog nga linog ang Kumamoto Prefecture sa isla sa Kyushu, Japan.

Gikumpirma sa mga awtoridad nga kadaghanan sa mga biktima kay mga Hapones, samtang usa usab ka Vietnamese national ang nalakip sa namatay. Pipila sa mga biktima naggikan sa usa ka shopping center sa Kashima nga nahugno ug naguba tungod sa gas explosion human sa pagtay-og.

Sa kasamtangan, kapin sa 9,000 ka residente ang nagpabilin sa mga evacuation center diin hagit sa mga rescuer ang hilabihang kainit sa panahon.

Nawad-an usab og suplay sa kuryente ang kapin 30,000 ka panimalay samtang padayon nga nakatala og labaw sa 100 ka mga aftershock.