₱500K-pataas nga check encashment, kinahanglan og hustong identity verification sa payee — Law expert

Gitin-aw ni law expert Atty. Oscar “Oca” Moreno nga responsibilidad sa Land Bank ang pagsiguro nga maila  ang usa ka payee sa dili pa mahitabo ang encashment sa tseke  ilabina kung dako ang kantidad niini.

Matod ni Moreno, dili igo nga ang ngalan sa payee anaa sa tseke, kondili kinahanglan usab nga ma-verify sa bangko ang iyang  identity pinaagi sa hustong proseso tungod kay ang bangko mahimong manubag kon dili ang tionuod nga tawo ang mabayaran. 

Dugang pa sa legal expert, ang pagpa-encash sa kantidad nga mulapas sa ₱500,000 gilayong  ma-report sa Anti-Money Laundering Council (AMLC) isip covered transaction, samtang ang mga transaksyon nga adunay kadudahang mga timailhan nga obligadong i-report sa bangko isip suspicious transaction.