Misaka na sa 4,490 ang opisyal nga ihap sa mga namatay human sa duha ka sunod-sunod nga linog nga miigo sa Venezuela niadtong Hunyo 24.
Naduganagn kini og 150 ka tawo kumpara sa ihap niadtong Sabado, samtang kapin 16,000 usab ang naangol tungod sa maong kusog nga linog.
Matud sa gobyerno sa Venezuela, kapin 19,500 ka indibidwal ang temporaryong nagpuyo sa mga evacuation camp human madaot pag-ayo ang ilang mga puluy-anan.
Gipahibalo usab ni National Assembly President Jorge Rodriguez, igsoon ni interim leader Delcy Rodriguez, nga magsugod ang gobyerno sa paghatag og mga apartment ngadto sa mga pamilyang nawad-an og puy-anan sa mosunod nga mga semana.
Samtang, gikumpirma ni Foreign Minister Yvan Gil nga miabot na sa nasud ang relief aid shipment gikan sa Russia, samtang nagpadala usab ang Embahada sa Amerika og 100,000 ka aid kits ngadto sa mga komunidad nga naapektuhan sa kalamidad.