Andam na ang Majority Bloc sa Senado alang sa special session nga gipatawag ni Presidente Ferdinand Marcos Jr. karong Hunyo 17 aron hisgutan ug aprobahan ang mga nalangan nga mga appointment nga wala pa maaksiyonan sa Commission on Appointments.
Sumala ni Senador Erwin Tulfo, usa lamang ka adlaw ang gilauman nga espesyal nga sesyon diin lakip sa agenda ang pag-apruba sa mga balaod sa ikatulo ug pinal nga pagbasa, ingon man ang paghisgot sa mga pending appointments sa pipila ka mga heneral ug uban pang nominasyon.
Samtang, nagpadayon ang paningkamot sa kampo sa mayorya nga makab-ot ang gikinahanglang 13 ka boto aron pormal nga mapili si Acting Senate President Sherwin Gatchalian isip Senate President ug matapos na ang kontrobersiya sa liderato sa Senado.
Bisan adunay mga senador nga motambong sa sesyon, wala pa gihapoy kasiguruhan kon moapil sila sa mayorya.
Naglaum usab ang kampo ni Gatchalian nga tumanon ni Senador Alan Peter Cayetano ang iyang saad nga mobiya sa posisyon kon adunay kompleto nang suporta alang sa bag-ong liderato.
Sa laing bahin, gisiguro sa mayorya nga andam sila sa bisan unsang posibleng lihok o maniobra atol sa espesyal nga sesyon aron malinawon nga maresolba ang panagbangi sa Senado.