Nag-deactivate sa iyang Instagram account ang Filipino-American pageant titleholder nga si Brandon Espiritu human mag-atubang sa daghang kritisismo sa social media tungod sa iyang kontrobersyal nga pamahayag bahin sa mga gitawag og “halfies” o mga kandidato nga adunay nagkalainlaing etnikong kagikan.
Si Espiritu, nga mirepresentar sa Pilipinas sa Mister Supranational 2024 sa Poland ug nahimutang isip second runner-up, nasentro sa kontrobersiya human niyang tubagon ang usa ka netizen nga nangutana nganong wala siya mokanta og Tagalog nga kanta sa usa ka video uban sa ubang international candidates.Sa iyang tubag, iyang giingon nga: “Tell that to all the front runners for the Philippines.
This country wouldn’t have a chance on the national stage without us halfies.”
Tungod niini, daghang pageant fans ug netizens ang nagpahayag sa ilang kasuko ug pagsaway. Matud sa ilang reaksyon, gipasabot matud pa sa maong pamahayag nga mas adunay bentaha ang mga mixed-race contestants sa international pageantry kumpara sa mga pure Filipino nga kandidato.
Nagkalainlain ang mga komento sa online community, diin adunay mga miingon nga ang pahayag mahimong makapakunhod sa bili ug kahimtang sa mga full-blooded Filipino contestants nga nakigkompetensya usab sa internasyonal nga entablado.