Mikunhod gidaghanon sa ihap sa mga batang mamumuo sa Pilipinas sulod sa duha ka tuig, gikan sa 828,000 niadtong 2022 ngadto sa 509,000 sa 2024, sumala sa datos sa Department of Labor and Employment (DOLE).
Gipasabot sa DOLE nga ang maong pagkunhod resulta sa mas gipalig-on nga kampanya sa gobyerno batok sa child labor ug sa padayon nga pakigtambayayong sa nagkalain-laing sektor aron mapanalipdan ang mga bata gikan sa mapahimuslanong pagtrabaho ug madasig nga magpadayon sa ilang pag-eskwela.
Atol sa pagsaulog sa Independence Day niadtong milabay’ng adlaw, gihangyo ni Labor Secretary Francis Tolentino ang publiko nga mahimong kabahin sa paningkamot sa paghatag og mas maayong kaugmaon sa kabatan-onan pinaagi sa pagwagtang sa child labor ug paghatag kanila og kahigayonan nga makakat-on ug molambo.
Gipasiugda usab sa kalihim ang importansya sa hiniusang aksyon sa tanang sektor sa katilingban samtang ang nasud nakigselebrar sa World Day Against Child Labor 2026, nga adunay tema nga: “Red Card to Child Labor: Fair Play for Children, Decent Work for Adults.”