Padayon nga gikabalak-an ang pagkatap sa Ebola virus human nga nagpahigayon ang mga health authorities sa Brazil og hugot nga pag-monitor sa duha ka lalaki sa Sao Paulo ug Rio de Janeiro nga gidudahang nataptan sa maong makamatay nga sakit.
Sa Sao Paulo, usa ka 37-anyos nga gikan sa Democratic Republic of the Congo (DRC) ang gibutang sa isolation human makasinati og hilanat, diin bisan pa og negatibo kini sa unang pagsulay, padayon gihapon nga gi-obserbahan sa usa ka specialized facility.
Samtang sa Rio de Janeiro, usa usab ka lalaki gikan sa Uganda ang gipaubos sa safety protocols human makitaan og mga sintomas sama sa ubo, takig, ug kalibanga, ug bisan pa og positibo kini sa malaria, nagpabilin ang imbestigasyon aron hingpit nga masiguro nga wala kini dala nga Ebola virus.