Nakabuak og Guinness World Record ang usa ka lalaki gikan sa Idaho sa human niya nabalanse sa iyang suwang ang nag-andar nga chainsaw sulod sa pinakataas nga oras.
Si David Rush, nga nailhan na sa iyang daghang world records, miatubang sa maong hagit niadtong Mayo 2025 sa panahon sa soccer practice sa iyang anak.
Opisyal nga gi-ila sa Guinness World Records ang iyang rekord human niya napabilin ang balanse sa chainsaw sulod sa 4 minutos ug 1.44 segundos.
Matud ni Rush nga usa kini sa pinakalisod ug pinakadelikado nga iyang nasuway, ug migamit siya og electric chainsaw aron malikayan ang mas dako nga peligro.
Bisan pa sa mga risgo sama sa pagtulo sa lana ug duol kaayo nga paglihok sa blade sa iyang nawong, nakompleto niya ang pagsulay apan sigon niini nga dili na niya kini suwayan pag-usab tungod sa kalisod ug kapeligro.