Gipadayag sa National Bureau of Investigation nga padayon gihapon ang ilang pagpangita kang Senador Ronald dela Rosa.
Matud ni NBI Director Melvin Matibag ilang gisundan ang tanang leads ug impormasyon nga nagpunting sa posibleng lokasyon sa senador.
Apan nanghangyo usab ang direktor sa publiko nga undangon ang paghatag og sayop nga impormasyon gumikan makausik lamang kini sa oras, resources ug operasyon sa mga law enforcement agencies.
Gipasidan-an usab ni Matibag ang iyang mga operatiba nga mag-amping sa posibleng pagserbisyo sa warrant batok sa senador.
Sumala ni Matibag, gikonsidera sa NBI nga “armed and dangerous” si dela Rosa tungod sa posibilidad nga adunay armas ug mahimong dili dayon mosurender sa mga otoridad.
Giila usab niini nga posible adunay mga supporters nga mahimong mosupak sa operasyon, busa gimandoan niya ang mga operatiba nga magpadayon uban ang dakong pag-amping atol sa pagpatuman sa mandato sa korte.