Mga pulis sa Thailand, nag-undercover isip dancers aron madakpan ang drug pusher

Nag-undercover isip mga babayeng mananayaw ang usa ka grupo sa kapulisan aron madakpan ang giingong iladong drug pusher nga si Mekha Fa-wap-wap atol sa usa ka street festival.

Sa unom ka pulis nga nagsul-ob og gasidlak nga costume, usa ra ang tinuod nga babaye.

Tungod sa paspas nga operasyon, narekober gikan sa suspek ang 53 ka methamphetamine pills, kapin 200 ka plastic bag alang sa droga, ug usa ka cellphone.

Giatubang ni Mekha ang kasong pagbaligya og category one narcotics ug ilegal nga pagpadagan og slot machine.

Dili kini ang unang higayon nga migamit og talagsaong disguise ang kapulisan sa Thailand.

Bag-ohay lang usab silang nagsul-ob isip lion dance troupe sa Bangkok atol sa Lunar New Year aron madakpan ang usa ka pugante.