Nasakmit sa mga otoridad ang kantidad nga mubalor og P153,680.00 sa shabu nga miresulta sa pagkaaresto sa usa ka lalaki human sa gikasang operasyon sa Purok 2, Patag, Bagontaas, Valencia City, Bukidnon niadtong Sabado, Mayo 9, 2026.
Giila ang suspek nga usa ka 30-anyos nga nakuhaan og 22.60 gramos sa gidudahang shabu nga mukabat sa Php153,680, uban sa mga non-drug items. Ang Suspetsado mag-atubang ug kasong paglapas sa Republic Act 9165 o ang Comprehensive Dangerous Drugs Act of 2002.
Nahimong malampuson ang operasyon tungod sa hiniusang paningkamot sa mga sakop sa Bukidnon Provincial Drug Enforcement Unit, Valencia City Police Station, Bukidnon 2nd Provincial Mobile Force Company, ug City Anti-Drugs Special Unit Team (CADSUT) ubos sa buhatan sa Mayor sa Valencia City. S
a kasamtangan ang dinakpan anaa na karon sa kostudiya sa kapulisan sa dakabayan alang sa tukmang disposisyon.