Giawhag ni Manila 6th District Rep. Benny Abante si Vice President Sara Duterte nga motestigo sa Kamara de Representantes ubos sa panumpa aron tubagon ang tanang alegasyon batok kaniya.
Sumala ni Abante, ang House Justice Committee mao ang hustong forum aron mapatin-aw ug matubag ang mga pasangil.
Sumala ni Abante nga dili tuyo sa komite nga hukman dayon ang bise presidente, kondili aron masayran lamang ang tinuod sa likod sa mga alegasyon.
Gibalikan usab sa mambabalaod ang pahayag ni Duterte nga motubag siya sa “saktong forum,” ug giingon nga kini na ang hustong higayon aron atubangon niini ang mga akusasyon ug makig-atubang sa mga akusayon sama ni Ramil Madriaga.
Gipasalig ni Abante nga paminawon sa komite ang panig sa bise presidente ug hatagan siya og kahigayonan nga ipahayag ang iyang depensa.
Dugang pa niini, makatabang kini sa mga miyembro sa justice panel sa pagdesisyon kung adunay igo nga basehan o probable cause ang mga reklamo batok kaniya.