DOJ magpasaka og petisyon sa korte alang sa extradition ni Quiboloy ngadto sa US

Gikumpirma sa Department of Justice o DOJ nga hayan na nilang isumite sa korte ang petisyon alang sa extradition ni Pastor Apollo Quiboloy, subay sa hangyo sa Estados Unidos.

Matud ni Justice Secretary Fredderick Vida, anaa na sa katapusang yugto ang petisyon ug gi-review pa aron masiguro nga husto ang mga legal nga detalye.

Giingon ni Vida nga mosunod ang gobyerno sa extradition treaty tali sa Pilipinas ug Estados Unidos, ug gilauman nga mapasaka ang petisyon sulod niining 2026.

Kahibaloan nga si Quiboloy nag-atubang og mga kaso sa qualified human trafficking, child abuse ug sexual abuse sa Pilipinas, samtang sa US, giatubang niini ang mga kaso sa sex trafficking ug sexual abuse sa mga menor de edad.