Nagtuo si Manila 6th District Representative Benny Abante nga adunay na-establisar nga “probable cause” sa impeachment complaint batok kang Vice President Sara Duterte human sa duha ka hearing nga gipahigayon sa House Justice Committee, bisan pa adunay duha ka dugang nga pagdungog nga naka-iskedyul sa Abril 22 ug Abril 29.
Sumala ni Abante, igo na ang basehan aron ipadayon ang reklamo ngadto sa plenaryo sa Kamarabaha ug dad-on usab sa Senado.
Gihatagan niini og pananglitan ang testimonya ni Ramil Madriaga sa miaging hearing, diin gisaysay niini ang giingong personal nga paghatod og P125 milyon nga confidential ug intelligence funds sa sulod lamang sa 24 ka oras.
Sa maong isyu, giingon nga nakonekta ni Madriaga ang pipila ka mga pangalan nga giingong gipadalhan sa dako nga kantidad sa kuwarta, lakip silang Philippine Army Colonel Raymund Dante Lachica, Atty. Ryan Quilala, ug uban pang duol sa Bise Presidente.
Matud ni Abante, kung mapamatud-an kini, mahimong lig-on nga ebidensya nga adunay anomalya sa paggamit sa confidential funds.
Dugang pa ninii, nga una na niining gihangyo ang komite nga ipatawag ang mga personalidad nga gihisgutan ni Madriaga aron masusi ang ilang testimonya, apan hangtod karon wala pa’y tubag ang komite niini.